Түүхэн товчоо

“Сочи-2014” өвлийн XXII олимпийн наадад ҮБТДСургуулийн оюутан,  ОУХМ Б.Бямбадорж олимпийн цасан замд уралдсан юм. Гүйлтийн цанын эрэгтэйчүүдийн сонгодог тэшилтийн 15 км-ийн зайд өрсөлдсөн тэрбээр 48:29.6 минутын амжилтаар 80 дугаарт барианд оржээ.

ХҮII жарны ялгуусан хэмээх “могой” жилийн босгон дээр Үндэсний  биеийн тамирын дээд сургуулийн нэрэмжит үндэсний мөсний шагайн тэмцээнийг дуужаа тавьж, шугшин тамирчдын оноолтыг хийн, хос дэвжээнд 72 сум уралдуулан зохион байгуулав.

ҮБТДС-ийн 4а ангийн оюутан Ж.Нямжаргал 2011 оны нийслэлийн тэргүүний оюутан алтан медалиар энгэрээ мялаав.

Биеийн тамир,эмчилгээ арга зүйн  тэнхимийн багш, их эмч, дэд профессор Т.Баатар эрүүлийг хамгаалахын тэргүүний ажилтан цол, тэмдгээр шагнагдав.

ҮБТДСургуулийн эрдэмтэн профессор багш нар “Бөхийн чөлөөт барилдаан”, жүдо, сагсан бөмбөг, волейболын цогц хөтөлбөр Монгол Улсад анх удаа боловсруулж хэвлүүлэв.

ҮБТДСургууль Олон улсын биеийн тамир, спортын их, дээд сургуулиудын  холбооны анхдагч гишүүн сургууль боллоо.

ҮБТДС-ийн багш Л.Гүндэгмаа Их Дээд Сургуулийн Консорциумаас зохион байгуулсан шилдэг багш шалгаруулах арга хэмжээнд оролцож “Шилдэг залуу багш”-аар шалгарав.

Буудлагын ОУХМ, тамирчин О.Гүндэгмаа “Гавьяат тамирчин” цолоор шагнагдав.